Asklepios Kliniken GmbH & Co. KGaA
"Wi snackt ok Platt": Pleegkräfte un Dokters lehrt "Plattdüütsch" för Patienten un Mitarbeiters
Asklepios Klinik Wandsbek startet Pilotprojekt
Hamburg (ots)
Mehr as de Hälfte vun all de ölleren Krankenhuuspatienten in Hamborg verstoht Plättdüütsch. Bannig veel Lüüd sünd sogar dormit opwussen. Desterwegen dreegt in tokomen Tied od mehr as een Dutzend Mitarbeiters vun de Asklepios Klinik Wandsbek en Anstecker mit de Botschaft "Wi snackt ok Platt" an ehrn Kittel. Dat Projekt is in Düütschland eenmolig. Los geiht dat toerst op fief Statschonen vun de Afdelen för Altersmedizin (Geriatrie). "Dat geiht us dorbi üm mehr as blots dat fründliche 'Moin, moin!' to'n Begröten. Wi weet, wo wichtig Heimatverbundenheit un dat Geföhl vun Geborgenheit grood för öllere Patienten is. De plattdüütsche Sprook gifft dor en wunnerbore Meuglichkeit, düsse sünnerliche Stimmung hentokriegen", seggt Christian Strauß, Geschäftsführender Direktor vun de Asklepios Klinik Wandsbek. He is en gebürtigen Hamborger. Begleitet warrt dat Projekt dörch veer Vördragsveranstalten op Plattdüütsch.
Dat geiht dormit los, dat Anfang Dezember en Barg plattüütsche Beuker in de Patientenbücherei wannert. To glieke Tied warrt de ersten Statschonen vun de Geriatrie mit Postern utstaffert, üm op dat Projekt hentowiesen. Anfang Januar 2013 beginnt dann fangt denn de tweete Phase an: De ersten twölf Mitarbeiters vun de Klinik kriggt kostenlosen "Plattdüütsch"-Ünnerricht, dormit dat nich bi'n "Moin, moin" blifft. Dat gifft aver noch mehr Pleegkräfte un Dokters de Lust hebbt bereits dorbi mittomoken. Ok de so nöömten "Grönen Damens" schüllt bi dat Projekt mitmoken.
"Vele vun usen Kranken snackt as erste Sprook Plattdüütsch, Hochdüütsch kümmt erst op Platz twee", weet de Chefärztin vun de Afdelen för Geriatrie, Dr. Ann-Kathrin Meyer. De erfohrene Altersmedizinerin is övertüügt, dat de Ümgang mit de ölleren Minschen in ehr vertrauten Sprook veel Godet dohn kann: "Plattdüütsch steiht jo för en lebennig Alldagskultur un weckt bi de Kranken meist gode Erinnern an Kinnertied un Jugend. Dat sorgt seker för Wohlbefinden un dormit ok dorför, dat se wedder gau gesund warrt. Butendem mookt de fründschaftliche Tonfall un de Ümgangston vun 'Platt' dat Snacken twüschen Kranken, Pleegkräften un Familie lichter."
To dat Projekt "Wi snackt ok Platt" gifft dat ok veer Vördragsveranstalten op Platt.
De Vördräge findt in Rohmen vun de "Hanseatischen Nachtvorlesungen" vun de Hamborger Asklepios Kliniken statt. De Vördreeg vun de Spezialisten vun Asklepios för medizinische Laien findt in Mai jümmers an een Dünnersdag statt un hebbt Titelas "Wat is dat mit de krummen Rückens?" un "De Gallenblos, nix as Arger!". De Vördreeg warrt all Interesserten en poor Weken loter ok as Video-Interview in de Reeg "Nachtvörlesen nofroogt" kostenlos op den YouTube-Kanal von Asklepios to Verfügung stellt. Nu al kiekt sik dor däglich mehr as 1000 Minschen een vun de bummelig 200 Internetvideos to medizinischen Themen an.
To'n Achtergrund vun de Aktion "Wi snackt ok Platt": Ok wenn de Tallen vun de aktiven "Platt-Snackerser afnimmt: 97 Perzent vun de Minschen in Norddüütschland künnt mit den Begriff "Plattdüütsch" wat anfangen un jede tweete Norddüütsche versteiht düsse Sprook. Bi ölleren Minschen is de Quote sogor dütlich höger, ok in Hamborg. Good is ok, dat de "lütten" Hamborger wedder mehr an Traditschoon ranföhrt warrt: In velen Scholen steiht Plattdüütsch wedder op den Stundenploon. De Grund: De Hansestadt hett de beliebte Regionalsprook as erstet Bunnesland as vollwertiges Ünnerrrichtsfach anerkannt. Un ok dat bringt "Plattdüütsch" wedder no vörn: Düütschland hett 1999 de "Europäische Charta der Regional- und Minderheitensprachen" ünnerschreven. Dorin enthalten is de Plicht, ünner anner'n ok Nedderdüütsch to fördern un to ünnerichten.
www.facebook.com/asklepioskliniken www.youtube.com/asklepioskliniken
Pressekontakt:
Konzernbereich Unternehmenskommunikation & Marketing
Tel.: (0 40) 18 18-82 66 36,
E-Mail: presse@asklepios.com
24-Stunden-Rufbereitschaft der Pressestelle: (040) 1818-82 8888.
Original-Content von: Asklepios Kliniken GmbH & Co. KGaA, übermittelt durch news aktuell